Drejtori sportiv i Royal Antwerp në Belgjikë, Marc Overmars është shtruar në spital qysh prej ditës së djeshme pas një “ataku të lehtë” kardiak. Kështu njofton klubi i elitës belge, me ish-lojtarin e Ajaxit, Barçës dhe Arsenalit që është jashtë rrezikut për jetën.
Si lojtar, Overmars fitoi tre tituj kampion dhe Ligën e Kampionëve me Ajax-in përpara se të transferohej te Arsenal në 1997, ku fitoi një dopietë kampionat dhe kupë teksa nënshkroi për Barcelonën në 2000.
Karriera e Overmars shpesh u ndërpre nga lëndimi dhe ai u tërhoq nga futbolli aktiv në 2004. Overmars dha dorëheqjen nga posti i drejtorit të Ajax pak muaj më parë pasi pranoi se u dërgonte mesazhe të papërshtatshme kolegeve femra.
Discussion about this post