Një aksident automobilistik ka ndodhur në aksin Dimal- Lushnje. Bëhet me dije se në fshatin Gajdë, një automjet tip “Mercedez Benz”, me targa AA 795 OF, ka dalë nga rruga dhe ka përfunduar në kanal.
Mësohet se 75-vjeçari Lefter Ndrio, udhëtontë në drejtim të qytetit të Beratit dhe sapo ka dalë nga kthesa e Urës së Kuçit ka humbur kontrollin e makinës.
Ai dhe bashkëshortja e tij janë nxjerrë nga mjeti pa lëndime, me ndihmën e banorëve të zonës. Në vendngjarje kanë shkuar efektivë të policisë së qarkullimit rrugor, që po kryejnë edhe kqyrjen e vendit të aksidentit.
Sipas policisë, mendohet se 75-vjeçari ka humbur kontrollin e mjetit pasi është verbuar nga dritat e makinave përballë.
Duhet theksuar se ky aks nacional, ashtu si dhe aksi nacional Dimal-Fier është i gjithi pa ndriçim, çka e bën edhe më të vështirë qarkullimin në këtë aks, që deri në fshatin Fiershegan është i gjithi me kthesa të forta.
Discussion about this post