Romelu Lukaku shënon shumë, por jo vetëm në fushën e blertë. “Goli” jashtë fushe quhet Shani Jamilah, bukuroshja angleze që po kalon pushimet së bashku me sulmuesin e Interit në Sardenjë.
Rreth Lukakut shumë pak është zbuluar edhe në të shkuarën në lidhje me jetën private.
Disa kohë u lakua për flirtimet me modelen Sarah Mens, ndërsa më pas u përfol për instruktoren e fitnesit, Julia Vandweghe.
Për të mbetur te Shani Jamilah, lidhjen me të cilën belgu nuk e ka konfirmuar, bukuroshja është 24 vjeçe dhe është influencere në internet.
Në Instagram bukuroshen e ndjekin më shumë se 76 mijë ndjekës dhe postimet e saj kanë të bëjnë më shumë me bukurinë dhe modën.
Ajo jeton mes Londrës dhe Las Vegasit, ndërkohë që fotoreporterët e kanë kapur “mat” në Sardenjë në foto me sulmuesin.
Lukaku ka një djalë 2-vjeçar, të quajtur Romeo Emmanuel, për të cilin nuk është bërë kurrë publik se kush është nëna e tij.
