Analisti Bedri Islami deklaroi në një intervistë për Euronews Albania se Ilir Meta do i prishë punë Partisë Demokratike.
“Partia e Lirisë do të ndikojë jo pozitivisht për forcën e opozitës,” – u shpreh ai.
Analisti solli një shembull kur në zgjedhjet e 25 prillit një institut europian që monitoronte Shqipërinë në atë periudhë vuri re diçka të pazakontë.
“Në qarkun e Vlorës ku mendohej se Partia Demokratike do kishte rritje, pra nga 3 deputetë që kishte më para do vinte 4 ose 5, në momente të veçanta, me rreth 1000-1500 vota, sipas parashikimit, mendohej se do merrte deputetin e pestë dhe kjo do ishte një përmbysje. Por vihej re se sa herë në fushatë ndërhynte zoti Meta dhe takohej me udhëheqësit politik të opozitës këto vota binin dhe hendeku thellohej,” – u shpreh Islami.
Discussion about this post