Real Madridi do të luajë kundër Villarrealit me një formacion pa asnjë lojtar spanjol për herë të parë në historinë e tij 121-vjeçare. Siç zbulon specialisti i statistikave ‘Mister Chip’, pas 4436 ndeshjeve zyrtare për ‘los blancos’, kjo është hera e parë që ata dalin në fushë me një formacion të përbërë nga 11 futbollistë, ku që të gjithë janë me kombësi të huaj.
Trajneri Carlo Ancelotti ka bërë histori, duke përdorur sot një ekip me Courtois, Militao, Alaba, Rüdiger, Mendy, Tchouaméni, Kroos, Modric, Valverde, Vinicius dhe Benzema, ku tre lojtarë francezë, dy gjermanë, dy brazilianë, një austriak, një kroat dhe një uruguajan.
Kohët e fundit kishte ndodhur që ‘los blancos’-it e Real Madridit e kishin përfunduar një ndeshje me 11 futbollistë të huaj. Kështu ka ndodhur sezonin e kaluar në Champions League kundër Sheriff Tiraspol.
Ndërkohë, në stol për ndeshjen ndaj Villarealit, në javën e 16-të të La Ligas, janë gjashtë futbollistë spanjolë, Luis López, Nacho, Lucas, Asensio, Vallejo dhe Dani Ceballos.
Discussion about this post