“Mashtrues”, Vokshi-Veliajt: Trego faturat e kompjuterëve që bleve

Deputetja e PD Albana Vokshi me anë të një statusi në “Facebook” e cilëson Erion Veliajn një hajdut.

Vokshi shprehet se Vokshi i kërkon Veliajt që të nxjerrë burimin e parave me të cilat ka blerë kompjuterat për një shkollë, pasi paratë nga gjyqi që ai ka thënë se ka fituar ndaj saj nuk janë.

Postimi i Vokshit:

Vesi del me shpirtin!!

Edhe #mashtrues, edhe #injorant.

Në të dyja rastet është e rëndë kur bëhet fjalë për një zyrtar të lartë publik.

Erion Veliaj sot ka thënë që me paratë e gjyqit që ka fituar ndaj meje ka blerë dhjetëra kompjutera për shkollat e Tiranës.

Ky është #mashtrim!

Cështja e padisë së Erjon Veliajt ndaj meje (për denoncimet që kam bërë për vjedhjen e të dhënave personale nga ana e Bashkisë Tiranë) është në apel, pra është cështje ende në shqyrtim.

Erjon Veliaj ka detyrimin sot, të tregojë burimin dhe faturat e blerjes së atyre dhjetëra kompjuterave që pretendon që i ka blerë me paratë që i ka marrë prej meje.

Erion Veliaj, duke sulmuar personalisht përfaqësuesit e opozitës nuk i shmangesh dot abuzimit me fondet publike, për të cilat, herët a vonë, do të duhet të shkosh në #burg.