Ditën e sotme moti parashikohet të jetë nën ndikimin e kushteve atmosferike të paqëndrueshme. Në orët e pasdites do të ketë alternime vranësirash dhe kthjellimesh. Përgjatë relieveve malore vranësirat pritet të pasohen nga reshje të dobta shiu dhe bore.
Era pritet të jetë nga verilindja-veriperëndimi me shejtësi mesatare 2-7m/sek, e cila hera-herës përgjatë vijës bregdetare dhe zonave luginore fiton shpejtësi deri në 15m/sek. Valëzimi në dete i forcës 3-4 ballë.
Temperaturat parashikohen:në zona malore -1 deri 5°C, në zona e ulëta 0 deri 13°C, në zona bregdetare 4 deri 13°C.
Era do të fryjë mesatarisht me shpejtësi 40 km/h nga drejtimi verilindor duke krijuar në brigjet detare dallgëzim 3 ballë.
Kosova
Masat ajrore të ftohta me origjinë nga Verilindja e kontinentit Evropian kanë depërtuar në rajonin e Ballkanit, duke bërë që të vijojë rënia e temperaturave të ajrit në të dy vlerat ekstremale ditore. Vranësirat e shpeshta mbeten dominuese në Kosovë, KU herë pas here do të zhvillohen duke gjeneruar reshje dëbore në të gjithë territorin. Reshjet do të jenë prezente deri në orët e pasdites, por në vijim pritet përmirësimi i motit.
Maqedonia e Veriut
Deri në orët e pasdites MV parashikohet të jetë në mbizotërimin e vranësirave të shumta, të cilat do të pësojnë zhvillime duke gjeneruar reshje dëbore në të gjithë territorin. Pritet që më të dukshme reshje të jenë në zonat Veriore dhe Lindore. POR gjatë mbrëmjes dhe natës vonë do të kemi përmirësim gradual të kushteve të motit në pothuajse të gjithë territorin e MV.
Rajoni dhe Europa
Një qendër e fuqishme ciklonare përkatësisht në perëndim dhe veriperëndim të Europës do të bëjë që; ishujt Britanikë dhe gadishulli skandinav të përjetojnë reshje të dendura shiu, stuhi të forta ere si edhe reshje të dendura dëbore. Po ashtu, reshje dëbore do të këtë edhe Ballkani por në sasi të pakta. Ndërsa e gjithë pjesa tjetër e Kontinentit Europian do të jetë në ndikimin e kushteve të qëndrueshme atmosferike, ku moti i kthjellët por i ftohtë do të jetë dominant.
Discussion about this post