Merr flakë banesa në Durrës, asfiksohet një person

Një banesë ka marrë flakë në Durrës. Kjo banesë ndodhet në zonën e Plazhit. Banesa ndodhej në katin e dytë të një pallati, ndërsa banorët janë evakuuar.

Për shkak të tymit të shumtë që ka dalë nga banesa, një banor 22-vjeçar është asfiskuar e është dërguar në spital për mjekim.

Në vendngjarje ka mbërritur forcat zjarrfikëse, të cilat po punojnë për shuarjen e flakëve.

Njoftimi:

Durrës/Informacion paraprak

Rreth orës 15:20, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit H. T., në lagjen nr. 13.

Si pasojë, është dëmtuar lehtë shtetasi F. T., 22 vjeç, i cili ndodhet në kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.