Deputetja e Partisë Demokratike Jorida Tabaku tha se ligji për ish-spiunët në politikë është një ‘hall personal’ i Partisë Socialiste dhe se shënjestrojnë drejtpërdrejt Ilir Metën, kreun e Partisë së Lirisë.
Pas mbledhjes së Kryesisë së Kuvendit, Tabaku tha për mediat se ajo e ka propozuar një paketë për pastërtinë e figurës së politikanëve.
“Dua t’ju informoj se u diskutua edhe ligji për pastërtinë e figurave. PD ka propozuar një paketë ligjore për pastërtinë e figurave.
Ne nuk merremi me individë të veçantë. Unë nuk di që PD drejton komisionin e ligjeve apo Kuvendin e Shqipërisë. Se çfarë halli ka Balla me një individ të veçantë të bëjë çfarë të dojë. Kjo është çështje parimesh,”- tha Tabaku.
Discussion about this post