Mijëra të vrarë, mes tyre gra, fëmijë e të moshuar… janë panorama e gjakosur e Dardanisë, e sot ende mbi 1600 shqiptarëve nuk u janë gjendur trupat, ku nënat, baballarët apo të afërmit e tyre të kenë ku të qajnë. E sërish, tentohet në kurriz të Kosovës.
Mitrovica e Veriut dhe komuna të tjera në veri, krahas kolonizimit me serbë, tentojnë largimin edhe të atyre pak shqiptarëve që kanë mbetur në trojet e tyre. Mungesa e një marrëveshje të përhershme, ka bërë që situata kohë pas kohe të agravohet në Kosovë, e më së shumti në Mitrovicën e Veriut, ku ende banojnë shqiptarë.
STAND UP Lagjja e boshnjakëve U desh të ndodhte masakra e Reçakut por edhe ato si në familjen e komandantit legjendar të UÇK, Adem Jashari, që NATO të vendoste të ndërhynte në Kosovë. Lagjja e boshnjakëve, është një nga lagjet e banuara me shqiptarë, të cilët edhe jetën e japin por truallin shprehen se nuk e lëshojnë.
I tillë është edhe Safet Ismaili, i cili na u bashkua në këtë udhëtim, për të sjellë pak Dardani, nga sytë e një fëmije, edhe pse sot mbi të 30-tat. I mundur nga emocionet, Safeti tregon sesi edhe pas çlirimit, KFOR-i, i cili erdhi për të mbrojtur shqiptarët, i vrau me snajper një bashkatdhetar në moshën më të bukur.
Me mjekrën e zërin që i dridhej, Safeti tregon një foto që e kishte siguruar së fundmi dhe që e ruante me shumë dashuri të Avni Kushtovës, apo Avni Hajradinit. Por lotët nuk i mban dot, kur flet për shokun e tij, të cilin e kishte si vëlla, por që një granatë, do t’ia ndante jetën në mes.
Gazmend Ibrahimi ishte viktima e një sulmi nga serbët, edhe pse zona ruhej nga ndërkombëtarët, teksa shumë të tjerë u plagosën. Safeti me mall tregon ndarjen nga shoku i ngushtë, të cilin nuk do ta shihte më.
Safeti përpiqej të ishte sa më i ftohtë, por masakrat që kishte parë me sytë e tij dhe dhunën me të cilët vijojnë të përballen shqiptarët në Veri, e mundnin. Por krahas Safetit që jeton në Veri, shqiptarët në Mitrovicën e jugut janë të ndarë në dy qëndrime ekstreme.
Teksa rinia që nuk e ka përjetuar luftën, kërkon të mos mbeten peng të saj, e sheh situatën më me ngjyra e shpresë, por ata që kanë përjetuar gjithçka, e sot akoma nuk kthehen dot në trojet e tyre në Veri, të cilat po kolonizohen dita ditës, janë të prerë.
Por përkundër vështrimeve të akullta e plot dyshim të serbëve në Veri, acarit sllav, ka edhe prej tyre që janë lodhur nga kjo situatë. Këta janë serbët vendas, të cilët prej dekadash bashkëjetojnë me shqiptarët.
I tillë ishte edhe një zotëri, i cili na u afrua me të na shquar. E teksa këto janë realitetet që gjenden në Mitrovicën Dardane, duket se përkundër qytetarëve, situata është si gurët e shahut në duart e shahistëve. Në plan të parë duket se dy shahistët janë Albin Kurti e Aleksandër Vuçiç, por shahistët kryesore duken më larg e më lart.
Në njërën anë SHBA e BE, të cilët vijojnë të jenë prezentë me trupat e tyre në Kosovë dhe jo vetëm, e nga ana tjetër Vladimir Putin, i cili duket se është dirigjenti i Aleksandër Vuçiç e qeverisë së tij. Pavarësisht se kësaj, ajo që duket dhe do sa më parë zgjidhje, është çështja e shqiptarëve të përzënë nga trojet e të vënë edhe sot përballë grykës së pushkës apo sulmeve me granata.
Discussion about this post