Arrestohet laçiani në Tiranë, mbante dorezë metalike në makinë

Policia ka arrestuar një 20-vjeçar nga Laçi në Tiranë, që mbante dorezë metalike në makinë.

Sipas policisë, B.M u kap me një dorezë metalike, që e mbante në mjet.

“Specialistët për Hetimin e Krimeve të Komisariatit të Policisë Nr. 2 arrestuan shtetasin B. M., 20 vjeç, banues në Laç, pasi gjatë kontrollit në automjetin që drejtonte, shërbimet e Policisë gjetën dhe sekuestruan, në cilësinë e provës materiale, një përforcues grushti metalik”, njofton policia.