Organizata e Kombeve të Bashkuara ka bërë me dije se ngadalësimi ekonomik global do t’i detyrojë më shumë punëtorët që të pranojnë poste që paguhen më pak në vitin 2023. Teksa çmimet rriten më shumë sesa të hyrat, kriza e kostos së jetesës është duke shtyrë më shumë njerëz drejt varfërisë, ka thënë Agjencia e Kombeve të Bashkuara për Punë Ndërkombëtare.
Sipas saj, niveli i papunësisë në botë pritet të rritet.
Si shkaqe për një situatë të tillë është përmendur lufta e Rusisë në Ukrainë, tensionet gjeopolitike dhe rimëkëmbja nga pandemia e koronavirusit.
“Së bashku, ato kanë krijuar kushte për inflacion të lartë dhe rritje të ulët ekonomike – për herë të parë prej vitit 1970”, ka thënë agjencia në raportin e saj vjetor.
Vendet më të prekura, sipas të dhënave, janë ato me të hyra të ulëta dhe të mesme.
Discussion about this post