Sërish lëkundje tërmeti në vend

Sërish lëkundje tërmeti në vend.

Lëkundjet u ndjenë rreth orës 19:25 në kryeqytet këtë të Hënë dhe zgjatën disa sekonda.

Sipas të dhënave paraprake nga Qendra Europiane e Sizmologjisë, tërmeti me thellësi 2 km kishte epiqendër 30 km nga Tirana dhe 14 km nga Burreli.

Magnituda llogaritet 3.7.

Lëkundjet vijojnë pas tërmetit të fortë të mbrëmjes së djeshme me epiqendër në Xibër të Dibrës.

Nga lëkundjet me magnitudë 4.7 dhe thellësi 8.8 km, sipas përllogaritjeve të IGJEUM, janë raportuar dëme në mbi 20 banesa, kryesisht të vjetra dhe të prekura edhe nga tërmetet e mëparshme. Ndërkohë, verifikimet në teren për dëmet e shkaktuara vijojnë.

Për sizmiologët, lëkundja ishte ngjarja kryesore që pasoi me dhjetëra pasgoditje, me magnitudë më të ulët.