“Ajo që ka rëndësi është zbulimi i informacionit në mënyra të paprecedentë. Stuhia ende nuk ka filluar”.
Ky është mesazhi që jep këtë të Mërkurë përmes një postimi në rrjetet sociale grupi “Homeland Justice”, që ka marrë përsipër sulmet kibernetike ndaj faqeve shtetërore online.
Mezazh ky që duhet si një paralajmërim publik të tjera të dhënave që grupi duket se marrë nga sulmet kibernetike.
Grupi “Homeland Justice” ka publikuar një sërë dokumentash. Së fundmi, kanë publikuar certifikatat e sigurisë të punonjësve të Ministrisë, si edhe lista të zgjedhësve. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, ish-kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit. Lista me fluturimet e kryeministrit Edi Rama ishte një tjetër publikim që ngjalli debat në vend, me opozitën që ka kërkuar komision hetimor, duke akuzuar Ramën për shpërdorim detyre dhe vjedhje të parave publike.
Qeveria shqiptare ka akuzuar Iranin se qëndron pas sulmeve kibernetike dhe në Shtator të vitit të kaluar vendosi ndërprerjen e marrëdhënieve diplomatike me këtë shtet.
Autoritet dështuan të mbronin informacionet, mes tyre edhe dokumnete sekrete. Për këtë, një kallëzim në SPAK u bë ndajt AKSHI-t nga eksperti i IT Gent Progni. “AKSHI me veprimet ose mosveprimet e tyre kanë bërë të mundur që të gjitha të dhënat tona të jenë të rrezikuara”, tha Progni në një deklaratë për mediat pas kallëzimit.
Discussion about this post