Isuf Kalo, mjek, profesor, publicist dhe figurë e spikatur e historisë së vendit në kapërcyellin midis dy sistemeve, është ndarë nga jeta.
Profesor Kalo po qëndronte prej disa muajsh në gjendje jo të mirë shëndetësore, jashtë Shqipërisë.
Pritet sjellja e trupit në Atdhe.
Sipas një amaneti që ka lënë i ndjeri, lamtumira e fundit dhe varrimi do kryhen në vendlindjen e tij, në Luzat, ku ai u lind në 1942.
Dy vite më parë, Kalo u kthye në vëmendje të opinionit publik pas publikimit të librit të tij “Blloku”, një rrëfim ku ish-mjeku personal i diktatorit Enver Hoxha është përpjekur të pajtojë pëlqimet dhe mospëlqimet ndaj figurave qendrore të udhëheqjes komuniste.
Discussion about this post