“Hila sa rëndë që je”. Më këto fjalë iu drejtua analisti Fatos Lubonja në një emision televiziv Dritan Hilës, i njohur për qëndrimet e tij pro qeverisë së Edi Ramës.
Gjatë emisionit “Open” ku po diskutohej lidhur me zgjedhjet e ardhshme lokale në Shkodër, Hila deklaroi se ish-deputeti i Partisë së Lirisë, Agron Çela i cili kaloi në radhët e PS-së, ka shkuar me qeverinë për interesa ekonomike, gjë të cilën ai e cilësoi si normale.
Nga ana tjetër, Lubonja shpërtheu në kritika ndaj PS-së që e quajti parti fashiste. Sipas analistit, kjo forcë politike i ka të gjitha pushtet në duar dhe po pasuron një kastë oligarkësh në dëm të pjesës tjetër të qytetarëve.
“Në të gjithë Shqipërinë duhet të verojnë kundër kësaj partie fashiste. Pastaj vijmë te PD-ja dhe çfarë ka ndërtuar. Këtu është në rrezik demokracia. Po ikin të gjithë se është vend i këtyre të pasurve dhe krimit të organizuar që bashkëpunon me qeverinë”, tha Lubonja.
Discussion about this post