Tottenhami shtangu Manchester City-n në pjesën e parë të takimit mes tyre, por kjo nuk mjaftoi. Pasi u rezistoi sulmeve të vazhdueshme të Cityzens, skuadra e Contes goditi e para atëherë kur askush nuk e priste.
Në minutën e 44-t, një gabim i portierit Ederson i dha mundësi Kulusevskit të zhbllokonte takimin, me Guardiolën që e kishte të vështirë t’u besonte syve.
Pa u mbyllur ende fraksioni i parë, teksa po luheshin minutat shtesë, Harry Kane bën më të mirën duke i rrëmbyer një top kundërshtarit dhe në zhvillim të aksionit përfiton Emerson Royal, që me kokë thellon epërsinë në 0-2.
Në pjesën e dytë, u rihap ndeshja në ‘Etihad”. Cityzens arrijnë të shkurtojnë diferencën në 2-1 falë golit të Alvares.
Goli i Alvarez i dha zemër skuadrës së Guardiolës, që vetëm pak çaste më vonë barazoi me “bishën” Haaland, 2-2.
Kjo iu dha shtysë Cityzens, që shënojnë edhe golin e tretë me Mahrez, duke kompletuar përmbysjen, 3-2.
Kjo rezultoi të ishte mbrëmje magjike edhe për Mahrez, që përfitoi nga gabimi i Lenglet duke shënuar golin e dytë personal dhe të katërtin për Manchester City-n. Kështu, ndeshja u mbyll 4:2 për vendasit.
Discussion about this post