Kryetari i Grupit Parlamentar të Partisë Socialiste Taulant Balla i shoqëruar nga kryetari i Bashkisë Gledian Llatja inspektoi nga afër punimet që po kryhen për asfaltimin e disa segmenteve rrugore në lagjen “Brigada e 17 Sulmuese” në Elbasan.
Përmes një postimi në rrjetin social facebook Balla deklaron se as këtë vit bashkia e Elbasanit nuk do të bëjë pushime, sepse janë me dhjetëra kantiere ndërtimi dhe shërbime publike që kanë nevojë për kontroll dhe vëmendje.
Sipas Ballës bashkia e Elbasanit po bëhet gati të nisë edhe projektin e madh që përfshin rikualifikimin urban të shesheve të pallateve në çdo lagje.
Postimi i plotë:
As këtë vit Bashkia e Elbasanit nuk do të bëjë pushime sepse janë me dhjetëra kantiere ndërtimi dhe shërbime publike që kanë nevojë për kontroll dhe vëmendje.
Së bashku me Gledin inspektuam punimet për asfaltimin e disa segmenteve rrugore në lagjen “Brigada e 17 Sulmuese” ku po punohet intensivisht pasi lagjet e qytetit kanë nevojë të shtuar për ndërhyrje.
Bashkia e Elbasanit po bëhet gati të nisë edhe projektin e madh që përfshin rikualifikimin urban të shesheve të pallateve në çdo lagje.
Por nuk duhet harruar se jashtë vëmendjes nuk janë as fshatrat.
#SkaKohëPërPushim??♂️
