President i Këshillit Evropian, Charles Michel ka zhvilluar një bisedë virtuale me kryeministin Edi Rama.
Michel ka postuar një foto në rrjetet sociale, ku shihet gjatë bisedimit me Ramën, teksa shkruan se e ka uruar kryeministrin mbi zgjedhjen e Shqipërisë si anëtare jo e përhershme e Këshillit të Sigurimit. Ai thekson se Shqipëria ka bërë përparime të rëdësishme në rrugën e saj drejt BE.
“Unë e urova kryeministrin Edi Rama mbi zgjedhjen e Shqipërisë si anëtare jo e përhershme e Këshillit të Sigurimit. Ne gjithashtu rishikuam përparimin e rëndësishëm të bërë nga Shqipëria në rrugën e saj të BE në dritën e samitit të ardhshëm të Ballkanit Perëndimor,” shkruan Michel në postimin e tij.
