Kryetarja e komisionit për Mbikëqyrjen e AKI-së, Ganimete Musliu ka folur pas mbledhjes së komisionit ku në raportim ishte drejtori i AKI-së, Petrit Ajeti lidhur me situatën në Deçan
Musliu tha se nuk ka nevojë që të ketë panik nga ana e qytetarëve të Deçanit sa i përket sigurisë kombëtare.
“Sot kemi pas në raportim drejtorin e AKI-së, Petrit Ajeti që të na njoftoj për gjendjen e krijuar në Deçan. Si komision kemi qenë të shqetësuar dhe të preokupuar për këtë çështje dhe kemi dashur që qytetarët e Kosovës ti sigurojmë sa i përket anës së sigurisë kombëtare”, tha Musliu.
Ajo shtoi se deri tani nuk mund të konsiderohet helmim i mirëfilltë sepse ende nuk ka prova që e vërtetojnë atë, pasi përgjigja e mostrave të para të ujit nuk e nxorri ujin e kontaminuar.
“Mund të them me bindje të plotë se qytetarët e Deçanit s’duhet të kenë panik sa i përket anës së sigurisë kombëtare dhe përgjegjësive që ka AKI. AKI është në kryerje të detyrës dhe me të gjitha kapacitet po vëzhgon çdo lëvizje atje. Kaq na tha edhe drejtori në komision, pasi s’ka as të dhëna përfundimtare janë të dhëna preliminare pas s’është ende e saktë situata për atë çfarë po ndodhë me shëndetin e qytetarëve. Në këto moment duhet theksuar se s’ka vend për panik sa i përket sigurisë naiconale. AKI po vepron në Deçan dhe është në krye të detyrës kudo. Është një lajm i mirë për ne, por edhe për qytetarët e Kosovës”, tha Musliu.
