Aktivistja për klimën, Greta Thunberg tha të hënën se fondacioni i saj do të dhurojë 100,000 euro për të mbështetur një shpërndarje më të drejtë globale të vaksinave COVID-19.
“Rreth 1 në 4 njerëz në vendet me të ardhura të larta kanë marrë një vaksinë COVID-19, në krahasim me vetëm 1 në më shumë se 500 njerëz në vende me të ardhura të ulëta”,- shkroi ajo në Twitter.
Thunberg më herët qortoi kombet që ajo tha se nuk ishin të gatshme të ndanin vaksinat me ato që kanë më pak qasje në ilaçe. Ajo shtoi gjithashtu se nuk ka në plan të shkojë në konferencën e Kombeve të Bashkuara për klimën që do të mbahet në Skoci në nëntor lidhur me shqetësimet se pabarazia e aksesit në vaksinat COVID-19 do të lërë shumë vende të paafta të marrin pjesë. “Unë e nxis bashkësinë globale të ndjekë shembullin e Gretës dhe të bëjë çfarë të mundet,”– tha në një deklaratë Drejtori i Përgjithshëm i OBSH-së, Tedros Adhanom Ghebreyesus.
Discussion about this post