Interi i ri i Simone Inzagit e ka nisur me një barazim 2-2 aventurën e saj në kuadër të miqësores përgatitore me rivalët e Luganos.
Zikaltrit u rreshtuan me një formacion 3-5-2, modul ky i preferuar nga trajneri Inzagi i cili me shumë mundësi do ta përdorë si bazë për sezonin e ri. Në fushë zbritën disa prej lojtarëve nga skuadra e parë si Darmian, Galjardini, Ranokia e Dambrosio ndërsa disa lojtarë të tjerë u aktivizuan pas kthimit nga huazimi si Di Marko, NAingolan, Agume dhe Dalbert.
Interi e nisi në mënyrën më të keqe ndeshjen duke pësuar dy gola në 35 minutat e para të sfidës, por 7 minuta nga fundi i pjesës së parë D”Ambrosio ngushtoi shifrat. Në minutën e 54-ët të takimit, sulmuesi i Primaveras, Martin Satriano barazoi shifrat pas një asisti të Agume.
