Ngjarja tragjike që i mori jetën 26-vjeçares Garyfallia ka tronditur prindërit e saj të cilët ndodhen në një gjendje të rënduar psikologjike pasi mësuan lajmin.
Fjalët e para të nënës së 26-vjeçares Garyfallia, e cila u vra nga i dashuri i saj janë prekëse dhe tronditëse.
“Garyfallia ishte një dhuratë për mua. Drejtësia do të bëjë punën e vet. Unë pashë disa sjellje manipuluese,” theksoi ajo, duke folur me SKAI.
E pyetur më tej nga gazetarët se a kishte dijeni për raportin e vajzës së saj me të dashurin vrasës 30-vjeçar, ajo u shpreh se nuk e kishte takuar asnjëherë por e bija i kishte thvnë se ishte djalë i mirë.
“Unë dua që ju të respektoni dhimbjen tonë. Unë nuk e kam takuar të riun. Garyfallia na tha se ishte një djalë i mirë. Do të doja t’i thosha fëmijës tonë një herë të fundit që e duam atë”, tha nëna e saj.
Së fundi ajo ka dashur të përcjellë një mesazh për të gjitha nënat, ku i ka kërkuar që të edukojnë djemtë të respektojnë femrat.
”Mësojini djemtë tuaj të sillen si burra. Mos u bëni frikacak. Do të doja të thoja një gjë të fundit, që e dua vajzën time “– përfundoi mes lotësh fjalën.
Ndërkohë babai i 26-vjeçares është i tronditur dhe në një gjendje të keqe psikologjike. Ai tha se vajza e tij shkoi me pushime për herë të parë në jetën e saj me një partner, pasi të gjitha vitet e mëparshme ajo ia kishte kushtuar jetën studimit.
”Ai më vrau vajzën, ai e vrau dashurinë e babit me humor të mirë. Një vajzë që ka lexuar gjithë jetën e saj. Ajo shkoi me pushime për herë të parë dhe ai e vrau atë,” tha babai i Garyfallia.
26- vjeçarja Garyfallia u gjend e vdekur në zonën detare të Lygaria në Folegandros ku ajo kishte shkuar me pushime me të dashurin e saj. Ka qenë dëshmia e një dëshmitare okulare që ka vënë policinë në lëvizje dhe 24 orë nga ngjarja i dashuri i saj 30-vjeçar, u gjet në një vend të shkretë në gjendje të rënduar psikologjike ku dhe ka pranuar krimin para autoriteteve.
