Kancelarja gjermane Angela Merkel do të vizitojë sot zonat e shkatërruara nga përmbytjet në Gjermani. The Guardian shkruan se Merkel do të vëzhgojë dëmet dhe do të takohet me të mbijetuarit.
Kancelarja është planifikuar të udhëtojë në fshatin Schuld në shtetin Rhineland-Palatinate, një nga dy rajonet më të goditura në Gjermaninë perëndimore. Të paktën 156 njerëz kanë vdekur në përmbytjen më të rëndë të Gjermanisë. Vetëm në shtetin Rheinland-Pfalz, policia raportoi 110 të vdekur dhe 670 të plagosur. Të paktën 27 persona kanë humbur jetën gjithashtu në Belgjikën fqinje.
