Kampionët e Europës janë të gatshëm të paguajnë plot 50 milionë paund për të blerë kartonin e Robert Lewandowskit dhe për ta marrë atë në Angli.
Dëshira e trajnerit Thomas Tuchel për të patur sulmuesin më të mirë të Bundesligës ka vënë në lëvizje ‘Blutë’ e Londrës, të cilët kanë të gjitha mundësitë financiare për ta realizuar këtë afrim.
Megjithatë duket se kjo marrëveshje është shumë e vështirë për t’u arrirë, pasi gjermanët nuk kanë ndërmend të heqin dorë nga ylli i skuadrës, i cili këtë sezon theu edhe rekordin e Gerd Muller, duke shënuar plot 41 gola.
Gjendur edhe para mungesës së një zëvendësuesi të polakut, Bayern do të luajë të gjithë letrat që ka në dorë për të mos e lejuar largimin e tij.
Ndonëse Lewandowski pritet të bëjë 33-vjeç muajin tjetër, ‘ndeshja’ e Chelseas dhe Bayern për kartonin e tij pritet të mbajë në ankth shumë tifozë./Gijotina.com
