Duket se Napoli e ka vendosur që ta shesë kapitenin e saj për një shifër që shkon në 30 milionë euro këtë verë.
Kontrata e 30-vjeçarit skadon në qershor 2022 dhe sipas ‘La Gazzetta dello Sport’ skuadra Italiane ëshët e gatshme ta shesë atë këtë merkato.
Po ashtu raportohet se nuk ka gjasa që Insigne të nënshkruajë një zgjatje të kontratës me klubin e tij, pasi dëshiron një rritje page, e cila aktualisht është 5 milionë euro në vit.
Ndërsa klubi i Napolit nga ana tjetër duhet të ulë pagën e tij për të mbajtur ekuilibrat ekonomik për shkak të pandemisë.
Po ashtu lojtari Italian dëshiron kontroll të plotë mbi të drejtat e tij të imazhit, diçka që Aurelio De Laurentiis nuk ka gjasa ta pranojë.
Napoli ka refuzuar një ofertë prej 30 milionë euro nga Manchester United për qendërmbrojtësin e tyre Kalidou Koulibaly, por do të pranonte një tarifë të ngjashme për të shitur Insigne këtë verë.
Rikujtojmë që Insigne u bashkua me Napolin kur ishte vetëm 15 vjeç dhe ka kaluar nëpër akademinë e klubit, duke bërë debutimin e tij për skuadrën e parë në një ndeshje që u mbyll me fitoren 2-0 ndaj Livorno në vitin 2010./Sportzona.al
