Roma thuhet se po përgatit një ofertë të re për mesfushorin e Arsenalit, Granit Xhaka dhe marrëveshja duket shumë e afërt tani që Topçinjtë kanë gjetur akordin me Albert Sambi Lokonga.
Xhaka është objektivi kryesor i Jose Mourinhos dhe Roma duket se janë afër sigurimit të kapitenit të Arsenal.
Sipas ‘Sky Sport Italia’ gjigandët e Serie A tani po përgatisin një ofertë të re për të nënshkruar me 28-vjeçarin shqiptar, i cili tashmë ka rënë dakord për kushtet personale me Romën.
Xhaka do të nënshkruajë një marrëveshje 4 -vjeçare, për një pagë prej 2.5 milionë euro në vit me Romën, por një marrëveshje përfundimtare me Arsenalin nuk është arritur ende.
Roma ka ofruar 15 milionë euro plus shtesa për të marrë kapitenin e Zvicrës, por Arsenali dëshiron që gjigantët e Serie A të rrisin ofertën e tyre.
Sidoqoftë, Topçinjtë njoftuan nënshkrimin me Lokonga të hënën dhe 21-vjeçari pritet të zëvendësojë Xhakën, që do të thotë se marrëveshja midis Arsenal dhe Romës mund të jetë shumë afër./Gijotina.com
