Autoritetet në Britaninë e Madhe kanë arrestuar 27-vjeçarin me origjinë shqiptare, Esmerald Xhafa. Në momentin e ndjekjes, ai la automjetin dhe më pas filloi të vraponte në anë të autostradës. Policia për ta kapur, e ndoqi për disa orë me helicopter
Në automjetin e tij tip BMW policia gjeti dy kuti kartoni me shumë se 15 kg kanabis dhe 273 £ si dhe një listë emrash të shkruar me shkrim dore.
Ndërkohë në banesë u gjetën 56 bimë kanabisi që kultivoheshin në papafingo. Në banesë ai kishte një sistem të sofistikuar, një transformator të madh dhe drita të mëdha për kultivimin e bimëve.
Ai fillimisht mohoi akuzat e policisë por më pas gjykata e dënoi për të dyja akuzat, atë të kultivimit dhe trafikut të lëndës narkotike.
Avokati Chris Moran tha se klienti i tij kishte shkuar në Mbretërinë e Bashkuar për një jetë më të mirë për veten dhe familjen e tij.
“Dhe, për këtë arsye, u gjend në një pozitë jashtëzakonisht të vështirë me një bandë të organizuar-kriminale,” shtoi z. Moran.
Ai tha se Xhafa mendonte se nëse do të përpiqej të largohej nga grupi do të kishte qenë në rrezik më të madh për jetën e tij.
Sipas tij Xhafa ishte vendosur nga ata që ishin më lart në zinxhirin e drogës përmes “presionit, detyrimit, kërcënimit dhe kontrollit”.
Gjykatësi Simon Hickey pyeti pse Xhafa nuk kishte shkuar tek autoritetet nëse pretendimet e tij se ishte sulmuar dhe kërcënuar ishin të vërteta.
