Kontrata e Giorgio Chiellini skadoi më 30 qershor, por fanella e tij është në shitje në dyqanin online të Juventusit, ndërsa ajo që ka bërë më shumë habi në lançimin e kitit të ri të ‘Zonjës së Vjetër’ është mungesa e Cristiano Ronaldos.
Gjigandët e Serie A zbuluan sot kitin që do përdorin për ndeshjet jashtë shtëpisë në sezonin 2021-2022 dhe ylli portugez mungonte raporton ‘Football Italia’.
Promovimi i kitit të ri u bë me Matthijs de Ligt, Danilo, Alex Sandro, Paulo Dybala dhe Weston McKennie të zgjedhur si figurat kryesore.
Rikujtojmë se kontrata e yllit portugez skadon më 30 qershor 2022, ndërsa zv. Presidenti i Juventusit Pavel Nedved tha javën e kaluar se klubi pret që sulmuesi të kthehet në Continassa rreth 25 korrikut.
Mungesa e Ronaldos në promovimin e kitit mund të jetë thjesht një rastësi, por e njëjta gjë nuk është e vërtetë për Giorgio Chiellini i cili mbaroi kontratën e tij në qershor, por ka bluzën në shitje në dyqanin online të klubit.
E njëjta gjë vlen edhe për Mattia De Sciglio, Daniele Rugani dhe Marko Pjaca të cilët klubi i Juventus ika nxjerrë në shitje./Gijotina.com
