Këshilli i Lartë i Prokurorisë ka nisur procedurat për të emëruar hetuesin e radhës në Prokurorinë e Posaçme kundër Korrupsionit dhe Krimit të Organizuar (SPAK).
Në maj KLP shpalli dy vakanca për ngritjen në detyrë të prokurorëve në Prokurorinë e Posaçme dhe dy kandidatët që shprehën interes janë Adnan Xholi dhe Dorina Bejko, cilët do të intervistohen të dy. Intervistat do të zgjasin rreth 30 minuta për secilin kandidat dhe do të regjistrohen me audio dhe video, por mesa duket i pari ka nisur që të “merret në pyetje” prokurori Xholi.
Adnan Xholi
Prokurori Xholi u konfirmua në detyrë, më 16 tetor të vitit 2018, pasi trupa gjykuese e Komisionit të Pavarur të Kualifikimit deklaroi se ky i fundit e kaloi me sukses testin e Vettingut. Prokurori Xholi ka një karrierë mbi 20-vjeçare në radhët e organit të akuzës, duke hetuar dosje të “nxehta” si Banda e Lushnjës dhe ajo e Durrësit, ndërsa mund të jetë përforcimi i radhës për SPAK-un.
