Sekretari i Përgjithshëm i Partisë Demokratike, Gazment Bardhi lëviz me truproja. Prej disa ditësh, një nga figurat më të rëndësishme të Partisë Demokratike është parë teksa lëviz me persona që kujdesen për sigurinë fizike, duke e shoqëruar edhe në selinë blu.
Lajmi është konfirmuar edhe nga drejtuesi i emisionit “Log.”, Endri Xhafo, i cili gjatë emisionit të tij ngriti pyetjen: Kush po e kërcënon Gazment Bardhin?
“Të pasurit badygard nuk është ndonjë gjë e madhe është zgjedhje personale. Por nëse numri dy i partisë më të madhe opozitare në Kuvend ndihet i kërcënuar, aq sa të mbajë badygard mua më lind e drejta e pyetjes se kush e kërcënon Gaz Bardhin? Nëse ndihet i kërcënuar a e ka bërë Gaz Bardhi publike autoriteteve ligje zbatuese të vendit. Seriozisht jam i shqetësuar. Fakti që ai ishte numri 1 në Elbasan një nga qarqet më problematik për rendin e mirëkuptoj, Por sot e kam me burime të sigurta dhe vazhdon të ketë. Përse ndihet i kërcënuar? Kush e ka kërcënuar Sekretarin e Përgjithshëm të Partisë Demokratike. Nëse do vijë në emision uroj që ai t’i përgjigjet kësaj pyetje,”-ka thënë gazetari Xhafo.
Numri dy i Partisë Demokratike, Gazment Bardhi ishte drejtues politik për zgjedhje e 25 prillit në një nga qarqet, që rezultoi më problematiku, atë të Elbasanit. Gjatë fushatës, Bardhi dëshmoi nga shumë afër vrasjen e Pjerin Xhuvanit, një ngfa figurat problematike të qytetit, i cili pretendohet se në momentin e vrasjes po blinte vota për kundërshtarët.
