Një vajzë e mitur është raportuar e zhdukur në Gjakovë të Kosovës nga babai i saj.
Rasti ka ndodhur mbrëmjen e djeshme ku një person është paraqitur në policinë e Gjakovës duke denoncuar zhdukjen e vajzës së tij.
Sipas dëshmisë së dhënë nga ai, vajza kishte shkuar për në kurs, por kur i ati ka vajtur për ta marrë nuk e ka gjetur aty dhe nuk ka dijeni për vendndodhjen e saj.
“Ankuesi mashkull kosovar ka raportuar se vajza e tij e mitur viktima femër kosovare kishte shkuar në kurs dhe më pas kur ankuesi kishte shkuar ta marr nuk e kishte takuar dhe nuk dihet vendndodhja e saj. Njësiti relevant është duke e hetuar rastin”,- thuhet në njoftimin e policisë.
Policia në raportin 24 orësh ka bërë të ditur se nuk dihet vendndodhja e të miturës, ndërkaq rasti vazhdon të jetë nën hetime.
