Angelina Jolie ka fituar betejën për të hequr gjyqtarin nga çështja e divorcit me Brad Pitt. BBC raporton se gjyqtari që ata punësuan u skualifikua nga procedurat e divorcit.
Gjykatësi, John Ouderkirk, i dha Pitt kujdestarinë e përbashkët të fëmijëve në maj të këtij viti, por gjykata e Kalifornisë ra dakord me apelin e Jolie për të hequr gjyqtarin nga çështja.
Vendimi do të thotë që një betejë ligjore për 5 fëmijët e mitur të çiftit do të duhet të fillojë para një gjykatësi të ri. Në vendimin e saj, gjykata e apelit tha se gjykatësi Ouderkirk nuk zbuloi marrëdhëniet e tij të biznesit me avokatët e Pitt.
“Kjo ishte një “shkelje etike” që mund të vinte në dyshim “aftësinë e gjykatësit për të qenë i paanshëm”, tha gjykata.
Angelina Jolie me Brad Pitt kanë qenë në një betejë gjyqësore për kujdestarinë e fëmijëve të tyre që kur Jolie bëri kërkesë për divorc në vitin 2016.
