Kthimit të Cristiano Ronaldos në Juventus i është kushtuar shumë vëmendje nga të gjithë për shkak të pasigurisë së të ardhmes së tij në Torino.
Megjithatë duket se ai nuk është i vetmi yll i Serisë A që I është rikthyer stërvitjes ditën e sotme. Zonja e Vjetër mirëpriti kapitenin e Portugalisë nga pushimet e tij, pasi super ylli kaloi një test në J | Medical këtë mëngjes dhe u rikthye përsëri në stërvitje me Bardhezinjtë.
Dejan Kulusevski, Matthijs de Ligt, Aaron Ramsey dhe Adrien Rabiot po ashtu janë rikthyer për të filluar trajnimin para-sezonal me gjigandët e Torinos, ku duhet theksuar se të gjithë duhet të kalojnë një kontroll mjekësor para se të kthehen në grup raporton ‘Football Italia’.
Ylli i Belgjikës, Romelu Lukaku është kthyer përsëri në stërvitje me Interin sot dhe në listën e lojtarëve që kthehen te ‘Nerazzurri’ këto ditë përfshihen dyshja kiliane Arturo Vidal dhe Alexis Sanchez, sulmuesi kroat Ivan Perisic dhe uruguajani Matias Vecino.
Lojtarët francezë, Mike Maignan dhe Olivier Giroud janë transferuar në Milano këtë verë dhe janë gati të fillojnë një sfidë të re sot, pasuar edhe nga ylli i Kroacisë Ante Rebic.
Të tre yjet e ‘Rossonerëve’ po fillojnë përgatitjet e tyre për sezonin 2021-2022, ndërsa Milani përgatitet të rikthehet sërish në Champions League./Gijotina.com
