Mjeku epidemiolog, Dhimitër Kraja, gjatë fjalës së tij në mbledhjen e Komitetit Teknik të Ekspertëve, ka treguar një tablo të përgjithshme të situatës aktuale në spitalin COVID-1.
Mjeku tha se numri i të shtruarve në spital është mjaft i vogël. Aktualisht në COVID-1, sipas mjekut janë të shtruar 9 pacientë dhe gjendja e tyre është e qëndrueshme. Mosha mesatare e të shtruarve varion nga 69 vjeç e deri në 70 e ca vjeç. Mjeku tha se
“Në spitalin Covid-1 ndodhen të shtruar 9 pacientë. Gjendja e tyre e përgjithshme është e kënaqshme. Vazhdon po ajo situatë e këtyre rasteve ë shtruara. Nuk janë pacientë që janë vaksinuar më parë apo kanë kaluar sëmundjen.
Vetëm një rast që ka bërë dozën e parë dhe të dytën s’e ka bërë. Mosha mesatare është mbi 69 deri në 70 e ca vjeç. Situata është e mirë, nuk ka pasur vdekje dhe raste kritike. Pavarësisht se shtrimet dhe gjendja në spital reflekton këtë prirje të numrit të rasteve, por të paktën nuk reflektohet në vdekje”, tha Kraja.
