Kjo javë padyshim që mund të quhet si java e talenteve shqiptare në botën e futbollit. Disa nga djemtë e Kombëtares kuqezi ishin protagomistët e skuadrave përkatëse, duke shënuar dhe njëkohësisht duke u bërë vendimtar për fitoret e tyre.
Myrto Uzuni konsiderohet si golashënuesi më i mirë i Champions League deri në këto momente. Së fundmi ai perfuar sërish me gol për skuadrën e Ferencvarosit në takimin e dytë ndaj Zalgiris, duke u kualifikuar kështu për raundin e tretë të Champions League.
Skuadra hungareze kishte fituar 2-0 në shtëpi, ndërsa në ndeshjen në transfertë mori një tjetër fitore me rezultatin 1-3.
Ish-lojtari i Tiranës, Ernest Muçi ka mundur të bëjë një performancë fantastike në ndeshjen Legia-Wisla Plock, për sezonin e ri të kampionatit polak të futbollit.
Talenti 20-vjeçar ishte ai që zhbllokoi rezultatin, duke realizuar një goditje spektakolare që i la tifozët në stadium, e jo vetëm të mrekulluar dhe duke i dhënë avantazhin skuadrës së Legias.
Nga ana tjetër Rei Manaj duket se është duke shijuar momentin më të mirë të tij te skuadra e Barcelonës. Lushnjari është grumbulluar në ndeshjet miqësore të ekipit kryesor të katalanasve dhe golat kanë qenë të shumtë nga ana e tij.
Pas tripletës që fantastike në takimin me Gimnastic, sulmuesi i Kombëtares shqiptare ia doli të shënojë edhe në takimin me Gironën, duke i dhuruar Barçës një nga golat e fitores.
Armando Broja po ashtu është bashkuar me bashkëatdhetarët në realizimin e golave dhe performancës shumë mbresëlënëse.
Shqiptari ka shënuar disa gola për Chelsean në takimet e fundit, duke e vënë kështu në pozitë të vështirë trajnerin Thomas Tuchel në kërkimin e një sulmuesi të ri për skuadrën, apo dhënien e një mundësie talentit shqiptar.
Broja shënoi një nga golat e fitores 2-1 të ndeshjes miqësore me Bournemouthin pak para fillimit të sezonit 2021-2022 të Premier League. Ishte minuta e 72-të e lojës momenti kur shqiptari shënoi golin e parë për ‘Blutë’ e Londrës, për t’u pasuar më pas nga goli i shokut të skuadrës Ike Ugbo, që i dhanë Chelseas fitore.
Janë të shumta fjalët që mund të thuhen për futbollistët shqiptarë në botë, por duket se talenti dhe puna e tyre nuk kanë të shteruar dhe rezultatet flasin vetë./Gijotina.com
