Familja e Andi Malokut ka paditur në Gjykatën e Posaçme kundër Krimit dhe Korrupsionit Redjan Rrajën dhe Arjol Halilajn, dy të arrestuarit për atentatin ndaj prokurorit Arjan Ndoji, ku mbeti i vrarë pikërisht 25-vjeçari Maloku.
Familja e Malokut kërkon dëmshpërblim për humbjen e jetës së djalit, në atentatin e bërë më 1 nëntor të vitit 2019, te mbikalimi i Shkozetit.
Siç thekson gazetarja Lala, shuma e dëmshpërblimit do të përcaktohet gjatë gjykimit. Seanca e sotme ndaj Rrajës dhe Halilajt është shtyrë, për shkak të mungesës së të pandehurit Rraja.
