Beteja me flakët në fushën e mbetjeve në Fier po vijon ende ndërsa i gjithë qyteti është i mbuluar nga tymi. Pasditen e sotme kryebashkiaku Armando Subashi ka parë nga afër punën për shuarjen e flakëve ndërsa në distancë u ka dhënë disa këshilla. “Vetëm hidhi dhé. Hidhi dhé lart dhe kaq. Lëre ta tamposë dheu”, dëgjohet të thotë ai.
Zjarri që përfshiu fushën e mbetjeve paraditen e së martës dhe vazhdon ende. Shkak dyshohet se janë bërë temperaturat e larta. 10 kamionë janë instaluar pranë kësaj fushe duke bërë mbulimin me dhe, si e vetmja mënyrë për të shuar ndezjen e plehrave por vatrat e zjarrit riaktivizohen vazhdimisht.
