Një 23-vjeçar shqiptar është dënuar me 22 muaj heqje lirie pasi u kap me më shumë se 40,000 £ në makinën e tij, pas një ndjekje “Fast&Furious”. I riu, i i identifikuar nga mediat e huaja si Florim Sula, përdorte një patentë të rreme dhe në momentin kur Policia i bëri shenjë të ndalonte, shqiptari i dha më shumë gaz, duke iu larguar me 100 kilometra në orë.
Por aventura i përfundoi shumë shpejt pasi u has me një qorrsokak. Në portofol, ai kishte 1,265 £, ndërsa brenda një çante mbante shumën tjetër. Para Gjykatës, ai tha se punonte si kamerier në Shqipëri dhe kishte ardhur në Mbretërinë e Bashkuar për të shlyer një borxh familjar.
Gjyqtari John Lodge e dënoi atë me 22 muaj paraburgim dhe e ndaloi që të drejtonte makinë për 35 muaj, me kushtin që të rikthehej edhe njëherë në provim. Paratë që kishte me vete iu konfiskuan, ndërsa patenta falso që kishte me vete do t’i shkatërrohet.
