Gjykata e Lushnjes ka dhënë masën ‘arrest me burg’ për vëllezërit Hasalla, të cilët ekzekutuan pak ditë më parë në Lushnje kushëririn e tyre pas konflikteve për tokën, 30-vjeçarin Romeo Hasalla.
Ngjarja e rëndë ndodhi dy ditë më parë, ku vëllezërit Kastriot dhe Afrim Hasalla kanë vrarë me armë zjarri kushëririn e tyre, Romeo Hasallën, pas një konflikti pronësie.
Kushërinjtë Hasalla kishin konflikt prej vitesh në lidhje me një tokë në fshatin e tyre, që sipas nënës të të ndjerit ishte “tokë-shtet” dhe ata kishin vendosur që të mbillnin disa degë ulliri. Viktima Romeo Hasalla, babai i dy fëmijëve të mitur, kishte ardhur nga Greqia vetëm pak ditë më parë dhe kishte shkuar që t’i ndihmonte familjes së tij, në fshatin Garunjas të Lushnjes.
