Klubi i Manchester United ka nxjerr në shitje 9 lojtarë këtë merkato, pasi Ole Gunnar Solskjaer shpreson të mbledhë fonde për prurje të reja.
Deri më tani me ‘Djajtë e Kuq’ janë bashkuar Jadon Sancho dhe Raphael Varane që arriti para pak ditës, nga të cilët anglezët presin shumë.
Afrimi i lojtarëve të një klasi kaq të lartë e rrisin mundësinë e Solskjaer për të fituar Premier League pas afro dhjetë vitesh.
Sipas ESPN, pas këtyre transferimeve Solskajer nuk i kanë mbetur më fonde për afrime të tjera ndaj ka nxjerrë në shitje nëntë lojtarë.
Jesse Lingard, Brandon Williams, Anthony Martial, Diogo Dalot, Phil Jones, Alex Telles, Andreas Pereira, Daniel James dhe Axel Tuanzebe thuhet se janë në dispozicion, pa përfshirë Paul Pogban, të cilin tekniku dëshiron ta mbajë në ekip edhe pse ky 28-vjeçari i ka sytë nga PSG-ja.
Kontrata e tij skadon në fund të sezonit të ardhshëm, kur Pogba pastaj mund të largohet nga klubi si lojtar i lirë, për herë të dytë në karrierën e tij.
Mesfushori francez tashmë ka refuzuar një ofertë për një kontratë të re nga klubi dhe është i hapur për një lëvizje te PSG./Gijotina.com
