Pas apeleve të shumta nga autoritetet për të respektuar orën policore dhe masat kufizuese, pronarët e lokaleve dhe bareve vazhdojnë të qëndrojnë indiferentë duke organizuar evente me grumbuj njerëzish.
“Në vijim të kontrolleve, shërbimet e Policisë kanë konstatuar dhe proceduar penalisht për veprën penale “Prishja e qetësisë publike”, shtetasin G. B., 33 vjeç, banues në Pjezë, Shijak, menaxheri i lokalit, pasi është konstatuar duke organizuar një ceremoni festive me muzikë, pas orarit të përcaktuar për mbylljen e aktiviteteve. Gjithashtu, ndaj këtij shtetasi është vendosur masa administrative 1.000.000 lekë”, thuhet në njoftimin e Policisë.
