Një grup hajdutësh tentuan të vidhnin shtëpinë e Chris Smalling, ngjarje e cila u parandalua nga sistemi i vigjilencës.
Mbrojtësi anglez po stërvitet me Romën në Portugali dhe familja e tij është duke e ndjekur nga afër, kështu që askush nuk ndodhej atje kur dy hajdutë u vunë re brenda kopshtit të shtëpisë së tyre.
Sipas ‘La Repubblica’ dhe ‘Il Messaggero’, dy personat e maskuar u vunë re nga sistemi i vëzhgimit dhe stafi u përpoq të ndërhynte, duke thirrur gjithashtu policinë.
Sidoqoftë, kur policët mbërritën në vendngjarje, hajdutët tashmë kanë ikur. Shtëpia e Smalling u grabit në prill nga tre burra të armatosur.
Ish-mbrojtësi i Manchester United u detyrua të hapte kasafortën dhe t’u jepte atyre një Rolex, xhevahire dhe objekte të tjera të çmuara.
Smalling iu bashkua Romës në vitin 2019 në një marrëveshje huazimi fillestare nga Manchester United.
Ai përfundoi një transferim të përhershëm prej 15 milionë eurosh në Stadio Olimpico në 2020-ën dhe ka bërë 58 paraqitje me ‘Giallorossi’./Gijotina.com
