Espanyol do të luajnë ndeshjen e tyre të fundit parasezonal të shtunën, 7 Gusht në Fiorentina Stadium, në një takim që do të shërbejë për të nderuar kapitenët që humbën jetët para kohe nga të dyja skuadrat, Dani Jarque dhe Davide Astori.
Ndeshja, tha Espanyol në një deklaratë, do të luhet në kuadër të turneut të bamirësisë dhe solidaritetit ‘Trofeu i të pathyeshmit’, i cili mbështet zbulimin e sëmundjeve të zemrës dhe vdekjes së papritur.
Kjo miqësore do të jetë si një shlyerje borxhi për Dani Jarque, i cili vdiq më 8 gusht 2009 nga një sulm në zemër kur ishte vetëm 26 vjeç dhe për Davide Astori, kapiten i Fiorentinës i cili vdiq në mars 2018, në moshën 31-vjeçare, nga një atak kardiak.
Qëllimi i turneut, sipas klubit katalanas, është “të sensibilizojë shoqërinë dhe atletët në lidhje me sëmundjet e zemrës, të japë mundësi për të financuar kërkimet mjekësore dhe të inkurajojë aplikimin e defibrilatorëve dhe dhënien e ndihmës së parë në qendrat mjekësore sportive”.
Espanyol do të debutojë në La Liga më 14 gusht në fushën e Osasuna në orën 17:00, në sezonin e kthimit të tij në elitën e futbollit spanjoll./Gijotina.com
