Qendërmbrojtësi senegalez, Fallou Dianje, pas nënshkrimit të kontratës me kuqeblutë, nuk e ka fshehur gëzimin dhe ndihet i lumtur për zgjedhjen që ka bërë, aq më shumë që i jepet mundësia sërish të tregojë veten.
“Një kapitull i ri që nis me një ekip të ri. Një sezon i ri, që do të nisë me Vllazninë, në një kampionat të ri dhe jam krenar që do të jem në gjendje që t’i përfaqësoj këto ngjyra. Dua të falënderoj të gjithë njerëzit që besuan tek unë, ata që më mbështetën dhe të gjithë përkrahësit që kanë qenë gjithmonë pranë meje. Faleminderit edhe njerëzve që më besuan dhe më dhanë mundësinë të vesh këtë fanellë. Fillon një sfidë e re për mua dhe do të jap gjithçka për të mbrojtur ngjyrat e klubit. Ecim përpara KF Vllaznia”.
