Akhmat Grozni është një skuadër ruse ku shqiptarët janë aktivizuar rregullisht. Në fillim ishin dy lojtarët e Kombëtares, Bekim Balaj dhe Odise Roshi të cilët u transferuan te skuadra ruse në vitin 2016, por një vit më vonë iu bashkua dhe shqiptari tjetër Bernard Berisha.
Akhmat Grozni zbriti në fushë mbrëmjen e djeshme për të luajtur sfidën kundër rivalëve të Sokit. Prezent për rusët ishte vetëm Bernard Berisha pasi dyshja tjetër e Kombëtares është larguar tanimë.
Por në fushë ndodhi një episod i çuditshëm. Në minutën e 6-të të takimit, ndeshja u ndërpre pas u vu reja prania e një gjarpri në fushë. Zvarraniku ndodhej tek katërkëndëshi i portierit të Groznit dhe u desh ndërhyrja e kujdestarëve të neutralizonin gjarprin. Një çudi e madhe pasi nuk mund të konceptohej prania e një gjarpri në fushën e lojës, por ndodh në futbollin rus.
