Sot vendi shënon ditën e 14 të ‘luftës’ me flakët! Situata në Vlorë, deri më tani duket e qetë, pasi janë vendosur nën kontroll zjarret në fshatin Gjorm dhe Gumenicë. Po ashtu raportohet se edhe në Karaburun, situata është nën kontroll dhe shuarja e flakëve është drejt fundit. Për të ndihmuar forcat shqiptare, sot pritet të vijnë në vend dy helikopterë nga Holanda dhe një nga Çekia, që iu përgjigjën kërkesës së BE për të ndihmuar vendin tonë në ‘betejën’ me flakët.
*lajmi është në përditësim
Zjarret kanë pushtuar vendin nga jugu në veri! Por Shqipëria nuk është i vetmi vend që po përballet me flakët, të cilat kanë shkrumbuar kullota dhe zona të gjelbra në Mesdhe dhe Ballkanin Perëndimor. NASA ka siguruar pamjet satelitore të zjarreve aktive gjatë 24 orëve të fundit në vendin tonë në rajon dhe më gjerë. Siç duket edhe nga pamjet që ka kapur sateliti, i gjithë vendi është nën pushtetin e flakëve, edhe pse deri më tani jugu është më problematiku, më konkretisht në Vlorë.
