Jack Grealish është lojtari më i shtrenjtë i historisë së Premier League. Manchester City pagoi 100 milion paund tek Aston Villa për kartonin e 25-vjeçarit, i cili ka firmosur një kontratë 6-vjeçare me klubin e ri dhe do të mbajë veshur fanellën me numër 10.
Sulmuesi i majtë ndihet i lumtur për transferimin te kampionët e Anglisë, duke e cilësuar si një ëndërr të realizuar faktin që do të aktivizohet me skuadrën e Pep Guardiolës deri në verën e vitit 2027.
“Jam jashtëzakonisht i lumtur që i jam bashkuar Manchester City. Kam ardhur tek ekipi më i mirë në vend, me një trajner që konsiderohet më i miri në botë. Të jesh pjesë e këtij klubi është një ëndërr e realizuar“, deklaroi lojtari anglez.
