Leo Messi është larguar nga Barcelona pas 21 viteve të kaluara në klubin katalanas. Ylli argjentinas foli sot në konferencën për shtypin, në fillim të së cilës nuk i mbajti dot lotët.
Kapiteni dëshironte të qëndronte në “Camp Nou”, por një gjë e tillë nuk u arrit. E ardhmja quhet PSG, me Messin që e pranon se kalimin në kryeqytetin francez është një mundësi konkrete.
“Isha i bindur se do të qëndroja te Barcelona. Kjo është shtëpia ime, shtëpia jonë. Unë doja të qëndroja këtu, ky ishte plani… por sot duhet të them lamtumirë pas një jetë të kaluar këtu.
Kontrata ime e re kishte mbaruar. Unë doja të qëndroja, gjithçka ishte mbyllur kur u ktheva nga pushimet. E ardhmja? PSG është një mundësi, po.
Për momentin asgjë nuk është konfirmuar, kam marrë shumë telefonata pas komunikatës zyrtare të Barcelonës. Po bisedojmë për të ardhmen time“, deklaroi Leo Messi.
