Dita e djeshme ishte shumë kritike për Kukësin. Vatra e zjarrit mbi tunelin e Kalimashit, po përhapej me shpejtësi të madhe duke rrezikuar të gjithë udhëtarët që kalojnë në autostradën që lidh Kosovën me Shqipërinë.
Por sot, kjo vatër është e izoluar nga puna e përbashkët midis Shqipërisë dhe Kosovës, duke e çuar atë drejt shuarjes. Bëhet me dije se grupet janë planifikuar për të punuar edhe gjatë natës për t’i vendosur flakët nën kontroll.
Mësohet se për momentin vetëm dy vatra kanë mbetur aktive. Njëra në Leproj tek Maja e Rrunës, ndërsa tjetra në Thirrë të Fanit ku rrezikohen dy banesa. Sakaq, në Majën e Rrunës për shkak të terrenit të vështirë, mund të vihet nën kontroll dhe të izolohet vetëm nga ajri.
